تافوكت ءورا تبادالت كمين ءاغراس
ءولا لوقت ليغ ءاد تسوفوت ءي واكال
ءايور ءيعشر بدا د ءيتران ءوراتن فالن
غييض ءور سمحن غ ءوزال ، يان ءور ءيفل يان
ءامود ن بنادم كاجو ءور ءيكين ءاغراس
ءاح ءالمسكين ءو الله ءار نيت كان ءافوس
ءاغار ءيخدم دار ميدن س ءاينا ءيسن فان
ءورجو تكادا ليجار تنس د تيرمت نس
ءيغ ءيسوق زوند ءيكيكيل، ماتاك ءيسالان؟
ءور ءيلي ما ءيسندام، واخا نيت ءالان
ءيدا س لكسوت ءاتنت ءيسغ، ءايسفرح ءاراو
تانا مي كرن تحركاسن ءيفاسن لوحنت
ءيدو س ءوقديم ءاتيد ءيسغ، ءينا رات ءيصلح
ءاد ءيفوغ دار ميدن زعما راسرس ءيفرح
0 commentaires:
Enregistrer un commentaire